Kongresua

Hizkuntzetatik jalgitzen ari den mundua

2026ko irailaren 23tik 26ra, Euskal Herriak etxea emango dio Biziberritzen ari diren hizkuntza komunitate gutxituen Nazioarteko Kongresuari. Hizkuntzetatik jalgitzen ari den mundua leloa daraman kongresuak helburu du munduko hizkuntza komunitate ezberdinak biltzea, biziberritze-diskurtsoen inguruan gogoeta egin eta hizkuntzen biziberritzearen inguruko diskurtsoak mundu mailan eta modu eraldatzailean kokatzeko.

Beraz, lau egunez, mundu mailako adituak, aktibistak eta artistak bilduko dira Bilbo, Irun eta Hendaia artean. Eta, aurreko bi faseetan (diagnostikoan eta sozializazioan) bildutako irakaspen, diskurtso eta esperientziak erdigunera ekarriko dira, egitarau oparo baten bidez, hitzaldi, mahai-inguru, tailer eta eskaintza artistiko-kulturalak uztartuz.

Gaiak

Hona hemen Kongresuan, besteren artean, honako gai hauek landuko dira:

Zergatik hizkuntza gutxituen biziberritze-diskurtsoak lantzen dituen egitasmoa?

Biziberritzen ari diren munduko hizkuntza-komunitate gutxituen diskurtso- eta narrazio-elementu aktiboak.

Hizkuntzen biziberritzearen eta bestelako aldarrikapenen arteko loturak.

Hizkuntzen biziberritzearen erantzukizun kolektiboa.

Komunitateen biktimizazio-egoeratik agentzia-izaerarako jauzia, erreparazio-prozesuen bidetik.

Kongresuko egitarauan hitzaldiak, mahai-inguruak, tailerrak eta mintegiak emanaldi artistiko-kulturalekin uztartuta eskainiko dira.

BIHAR Nazioarteko Kongresuak etorkizunera begiratzeko deia egiten du: etorkizunari proiektatuta egongo diren kontakizunak, sentipenak eta bideak eraikitzeko, egindako bidea soinean eramanez, eta biharkoari begira jarriz, ilunabarraren ondoren egunsentia datorrela jakinik.

Euskalduna jauregia · Bilbo

Irailak 23

Ficoba – Irun / Hendaia

Irailak 24, 25 eta 26

Kongresua antolatzen laguntzeko Nazioarteko Aholkularitza Batzordea osatu dugu. Hauek dira batzordea osatu duten kidea

Albert Badosa Roldós, katalana, Grup de Lingüistes per la Diversitat (GLiDi-UB)
Alexandra Philbin, irlandarra, Endangered Languages Project
Aliana Parker, First Peoples’ Cultural Council
Amanda Holmes, Mohawk hizkuntza komunitatea, Endangered Languages Project
Anna Belew, Endangered Languages Project
Danika Vickers, Haíɫzaqvḷa hizkuntza komunitatea, Endangered Languages Project
Elvis Bolivar Túquerres Ichau, Ekuadorreko Kichwa Karankia, Organización Asociación Kichwakamak Sisariy
Ernst Djeride Jean-Baptiste, Haitiko kreolera, MIT-Haití iniziatiba
Igor Xoyón Díaz, kaqchikela, Red de Escuelas Kaqchikeles: Ruk’u’x Qatinamït
Ihitz Iriart Casenave, euskara, kantaria, dantzaria eta kultur eragilea
Iñaki Sagardoy Leuza, euskara, Nafarroako Unibertsitate Publikoa

Kekoa Harman, Hawaiera, University of Hawaiʻi at Hilo
Mirjam Vellinga, Frysk, Afûk organisation
Monica Pereña Perez, katalana, Associació Linguapax Internacional
Mustapha El Adak, amazigh komunitatea, Investigador universitario/Universidad de Oujda
Paula Kasares Corrales, euskara, soziolinguista
Pius Akumbu, Babanki hizkuntza komunitatea, Endangered Languages Project / CNRS-LLACAN
Rahera Cowie, Ngāi Tahu, Ngāpuhi eta Ngāti Kahu tribuetako maoria, University of Canterbury
Miriam Viviana González Garzón, Nasa herriko kolaboratzailea, Plan de Vida Proyecto Nasa eta Garabide
Yasnaya Elena Aguilar, mixea, Colectivo Mixe
Yazmin Novelo, Yukatango maia, Endangered Languages Project / U péekbal waye’
Yulha Lhawa, Khroskyabs hizkuntza komunitatea, Endangered Languages Project