Euskara
EnglishFrenchSpanish

Guri buruz

Zer da bihar?

BIHAR, hizkuntzak biziberritzeko kontakizunak edo diskurtsoak erdigunean jartzen dituen egitasmoa da. Prozesuak, hiru fase nagusi ditu:

Nazioartean egindako diagnostikoa

2025ean, munduan zehar biziberritzen ari diren hizkuntzen inguruko diskurtsoak bildu ditugu. Guztira, 70 hizkuntza komunitateen diskurtsoak aztertu dira ikuspuntu intersekzional batetik.
Emaitza: hizkuntzak biziberritzeko nazioarteko diskurtso berritzaile eta inspiragarrien txostena.

01
orrialdea ikusi

Euskal Herriko sozializazioa

2026an, diagnostikoaren emaitzak euskalgintzarekin zein Euskal Herriko arlo sozial ezberdinetako eragileekin partekatu ditugu. Guztira, hogei lan-saio antolatu dira Euskal Herri osoan, eragile anitzekin lankidetzan. Lan-saio horiek borobiltzen dituen mintegi bateratua ere egingo da.
Emaitza: euskararen biziberritze prozesua beste aldarrikapen sozial batzuekin lotzea.

02
orrialdea ikusi

Kongresua

2026ko irailean, diagnostikoan eta sozializazio ariketan oinarrituta, nazioarteko kongresua antolatuko da. Lau egunez, mundu mailako adituak, aktibistak eta artistak bilduko dira Bilbo, Irun eta Hendaia artean. Emaitza: hizkuntzen biziberritzearen inguruko diskurtsoak mundu mailan eta molde eraldatzailean kokatzea.

03
orrialdea ikusi

Nortzuk osatzen dugu BIHAR egitasmoa?

Euskalgintzako eta hizkuntza lankidetzako lau egiturek definitu eta abiatu dute proiektua: Garabidek, Plazara kolektiboak, Soziolinguistika Klusterrak, Taupa Mugimenduak. Beraz, hauen arteko lankidetzaren emaitza da BIHAR.

Garabide

Hizkuntza lankidetzan diharduen Gobernuz Kanpoko Erakunde bat da (ONGD), hizkuntza‑gutxituen biziberritzearen alde lan egiten duena, bereziki euskararen esperientziatik abiatuta.

Plazara kolektiboa

Plazara diziplinarteko kolektibo gazte, sortzaile eta inspiratzailea da. Euskara ikusgarriagoa, entzunagoa eta erabiliagoa izatea bilatzen du, Euskal Herriko plazetan.

Soziolinguistika Klusterra

Euskararen sozializazioari eta biziberritzeari buruzko ikerketa‑gune eta lan‑sarea da, non soziolinguistikaren ezagutza sortu, kudeatu eta aplikatzen den hizkuntza neurri eta politiken inguruan.

Taupa mugimendua

euskararen aldeko gizarte mugimendu bat da, euskararen erabilera eta euskaltzaletasuna sustatzeko eta euskaltzaleak antolatu eta saretzeko lan egiten duena Euskal Herri osoan.

Bidelagun gehiago ere batu dira dagoeneko egitasmora

Babesleak:

Laguntzaileak: